Размер шрифта: A A A
Цвет сайта: A A A A
10 Sep 2020

O‘zbekistonda sement va oyna ishlab chiqaruvchi xususiy korxonalar soni oshiriladi. Bu haqda “O‘zbekiston Respublikasida iqtisodiy o‘sishni tiklash va tizimli tarkibiy o‘zgarishlarni davom ettirish bo‘yicha 2020-2021 yillardagi amaliy harakatlar rejasi”da belgilangan.

Qayd etilishicha, qurilish materiallari sanoatida geologiya-qidiruv ishlari, mahalliy xom ashyoni qazib olish va qayta ishlash asosida xom ashyo bazasini kengaytirish rejalashtirilmoqda. Shuningdek, sement va oyna ishlab chiqaruvchi xususiy korxonalar soni va quvvatini sezilarli darajada oshirish orqali, ushbu turdagi qurilish materiallari ishlab chiqarishni demonopolizatsiya qilish va kelgusida sement va oynani monopol mahsulot turlari qatoridan chiqarish ko‘zda tutilgan.

Sohadagi investitsiya loyihalarini moliyalashtirish uchun «O‘zsanoatqurilishbank» ATB orqali xorijiy banklarning 175 million dollarlik uzoq muddatli kredit liniyalari jalb qilinadi.

Manba: Matbuot xizmati
Ko'rishlar: 43
Belgilangan matnni tinglash uchun quyidagi tugmani bosing Powered by GSpeech