Размер шрифта: A A A
Цвет сайта: A A A A
18 Nov 2020

Kuni kecha Navoiy viloyatida yangi tashkil qilingan G‘ozg‘on shahrida “Marmarobod” deb nomlanuvchi tabiiy toshlarni qazib olish va qayta ishlash klasteri ish boshladi.

Mamlakatimizda tabiiy pardozbop toshlarga bo‘lgan talab yil sayin ortib borayotganligini inobatga olib hamda G‘ozg‘on toshlarining shuhratini qayta tiklash va uning boy zahirasidan unumli foydalanish maqsadida Prezidentimiz 2019 yil 12-13 mart kunlari Navoiy viloyatiga tashrifi chog‘ida tabiiy toshlarni qazib olish va qayta ishlash bo‘yicha klaster tashkil etish taklifini bildirgan edi. O‘tgan qisqa muddatda ushbu tashabbusning amaldagi ijrosi ro‘yobga chiqarildi. Xususan, “O‘zsanoatqurilishmateriallari” uyushmasi ko‘magida O‘zmilliybankning “NBU Gazgan invest” maxsus investitsiya kompaniyasi tashkil etilib, umumiy yer maydoni 37 gektarni egallagan klaster yaratildi va uning tarkibida umumiy qiymati 52 mln dollarga teng 14 ta loyiha amalga oshirilmoqda.

1 Marmarobod

Ushbu klaster yangi tashkil etilgan G‘ozg‘on shahri uchun strategik ahamiyatga ega bo‘lib, shaharning barpo etilishi aynan mana shu yirik majmuaning qurilishidan boshlandi. Eng asosiysi, bu klasterdan asosiy maqsad ichki bozorni arzon va sifatli mahsulot bilan ta’minlashdan iborat. Albatta, korxonaning rejalari katta bo‘lib, kelgusida xalqaro bozorlarga chiqish va mahsulotlar eksportini tashkil qilishdan iborat.

2 Marmarobod

“Marmarobod” MChJ korxonasi ushbu klasterning asosiy bo‘g‘ini, ya’ni tabiiy toshlarni qazib olib, o‘zida qayta ishlash bilan birga boshqa korxonalarlarni ham xom-ashyo bilan ta’minlovchi korxona hisoblanadi. Korxona hududida maydoni 11000 kv.m. bo‘lgan zamonaviy ishlab chiqarish binosi qurib bitkazildi hamda xorijdan zamonaviy uskunalar olib kelib o‘rnatildi.

3 Marmarobod

Ushbu uskunalarning yillik quvvati 70 ming kub tosh qazib olish va 800 ming kv metr toshni qayta ishlashga mo‘ljallangan. Ushbu zavod ishga tushishi natijasida dastlabki bosqichda G‘ozg‘onlik mahalliy yoshlar uchun 400 nafar yangi ish o‘rinlari yaratilgan bo‘lsa, qolgan loyihalar ishga tushganda ish o‘rinlari soni 800 taga yetkaziladi. Bundan tashqari, klaster tarkibida G‘ozg‘onlik mahalliy tadbirkorlar uchun 10 ta ishlab chiqarish binolari ham barpo qilindi hamda korxona hududida bank xizmatlari markazi, servis markazi, o‘quv markazi, ehtiyot qismlar va dastgohlar sotish do‘koni ham tashkil qilindi.

“Marmarobod” MChJ klasterining ochilish marosimida Navoiy viloyati hokimi Qobul Tursunov, O‘zmilliybank boshqaruvi raisi Alisher Mirsoatov hamda “O‘zsanoatqurilishmateriallari” uyushmasi boshqaruv raisi o‘rinbosari Baxtiyor Boboqulov ishtirok etdi.

4 Marmarobod

5 Marmarobod

6 Marmarobod

Manba: Matbuot xizmati
Ko'rishlar: 44
Belgilangan matnni tinglash uchun quyidagi tugmani bosing Powered by GSpeech