“GAZGAN MARBLE GROUP” MCHJ haqida bilasizmi?

29 Aug 2024

Bo'lishish

Facebook

Telegram

201

“GAZGAN MARBLE GROUP” MCHJ 2022-yil foydalanishga topshirilgan bo‘lib bu yerda kompozit qoplama plitalar va me’moriy mahsulotlari ishlab chiqariladi. Investitsiya loyihasining qiymati 30,6 mln dollarni tashkil etadi. Mega zavodda yiliga 300 ming kv.metr kompozit qoplama plitalar va 500 tonna  me’moriy mahsulotlar tayyorlanadi. Korxonaga Italiyaning mashhur energiya tejamkor “breton” texnologiyalari o‘rnatilgan. Korxonada hozirda 200 dan ortiq navoiylik yigit-qizlar mehnat qilishmoqda.

E’tiborlisi, korxona “breton” xalqaro guruhi tomonidan qabul qilingan eng zamonaviy standartlarga muvofiq barpo yetilgan. Bu ishlab chiqarishning barcha bosqichlari - ishlab chiqarish madaniyatidan tortib, ekologik xavfsizlik qoidalarini qamrab oladi. Shuningdek, atrof-muhitni muhofaza qilish bo‘yicha mahalliy me’yorlarga va jahon standartlariga amal qiladi. Ahamiyatlisi, kompozit qoplama plitalar ishlab chiqarish jarayonida chiqindi chiqarish ko‘rsatkichi nolga teng.

Hozirda bu yerda turli o‘lchamdagi 10 ga yaqin mahsulot ishlab chiqariladi. Korxonada tayyorlangan mahsulotlar nafaqat mahalliy balki qo‘shni davlatlarda ham xaridorgir. Bugungi kunda korxona tomonidan ishlab chiqarilayotgan mahsulotlar Qozog‘iston Respublikasiga eksport qilinmoqda. Shuningdek eksport salohiyatini oshirish maqsadida Qirg‘iziston va Tojikiston bilan muzokaralar olib borilmoqda.