Размер шрифта: A A A
Цвет сайта: A A A A

O‘zbekiston Respublikasi Prezidentining 2016 yil 25 oktyabrdagi PQ-2641-sonli “Respublika qurilish materiallari sanoatini boshqarishni tashkil etishni yanada takomillashtirish bo‘yicha chora-tadbirlar to‘g‘risida”gi qaroriga asosan “O‘zqurilishmateriallari” aksiyadorlik kompaniyasi negizida “O‘zqurilishmateriallari” aksiyadorlik jamiyati tashkil etildi. Ushbu qarorga asosan “O‘zqurilishmateriallari” aktsiyadorlik jamiyatining asosiy vazifalari va yo‘nalishlari belgilab berildi. O‘zbekiston Respublikasi Prezidentining ushbu qarorida ayrim korxonalardagi davlat ulushlarini hamda “O‘zqurilishmateriallari” aksiyadorlik kompaniyasining mulkini balans qiymatida “O‘zqurilishmateriallari” aksiyadorlik jamiyatining ustav fondiga (kapitaliga) berilishi belgilangan.

Faoliyat yo'nalishlari

Ushbu qarorga asosan “O‘zqurilishmateriallari” aktsiyadorlik jamiyatining asosiy vazifalari va yo‘nalishlari belgilab berildi:

  • ichki va tashqi bozorlarda qurilish materiallari bo‘yicha marketing izlanishlarini olib borish, zamonaviy qurilish materiallariga bo‘lgan talabni aniqlash;
  • mahalliy xom-ashyolarni chuqur qayta ishlash, raqobatbardosh, eksportbop qurilish materiallari ishlab chiqarish hajmlarini ko‘paytirish va turlarini kengaytirish bo‘yicha kompleks chora-tadbirlarni amalga oshirish;
  • tarmoqda yagona ilmiy-texnikaviy va investitsiya siyosatini yuritish, zamonaviy yuqori sifatli qurilish materiallari ishlab chiqarishga energiya va resurs sarfini tejovchi ilg‘or texnologiyalarni keng joriy qilish;
  • tarmoqni modernizatsiya qilish, texnik va texnologik jihatdan qayta jihozlash uchun investitsiyalarni, birinchi navbatda to‘g‘ridan-to‘g‘ri xorijiy investitsiyalarni keng jalb qilish;
  • korporativ boshqaruvning zamonaviy uslublarini joriy qilishni jadallashtirish, tarmoqni boshqarishga yuqori malakali menejerlarni, shu jumladan xorijiy menejerlarni keng jalb qilish;
  • aktsiyadorlik jamiyati tarkibiga kiradigan korxona va tashkilotlarga axborot, marketing va boshqa xizmat turlarini ko‘rsatish, xodimlarni qayta tayyorlash va malakasini oshirish.

Jamiyat tarkibiga kiruvchi korxonalarga yordam ko'rsatish:

  • mezonlar tizimini tahlil etish va baholash asosida korxonalarning moliyaviy – iqtisodiy holatini yaxshilash va tavsiyalar berish;
  • korxonaga marketing izlanishlari asosida biznes-reja ishlab chiqish va uni amalga oshirish, amaldagi texnologik jarayonlarni ilg'or energiya tejaydigan texnologiyalarni jalb etgan holda qayta qurish va modernizatsiyalash bo'yicha yordam ko'rsatish;
  • texnika xavfsizligi va atrof-muhit muhofazasi bo'yicha ko'maklashish;
  • jamiyat korxonalari mahsulotlarining reklamasini ta'minlash, ham respublika ichidagi, ham chet eldagi ishlab chiqaruvchilar o'rtasida aloqalarni o'rnatish, ko'rgazmalar va konferentsiyalarni tashkil etish orqali tajriba almashish, ma'lumotlarni ayirboshlash.

O‘zbekiston Respublikasi Prezidentining ushbu qarorida ayrim korxonalardagi davlat ulushlarini hamda “O‘zqurilishmateriallari” aktsiyadorlik kompaniyasining mulkini balans qiymatida “O‘zqurilishmateriallari” aktsiyadorlik jamiyatining ustav fondiga (kapitaliga) berilishi belgilangan.

“O‘zqurilishmateriallari” aktsiyadorlik jamiyati O‘zbekiston Respublikasi Prezidentining 2016 yil 25 oktyabrdagi PQ-2641-sonli qaroriga asosan “O‘zqurilishmateriallari” aktsiyadorlik kompaniyasining shartnomalari va majburiyatlari bo‘yicha huquqiy vorisi hisoblanadi.

Ushbu qaror bilan “O‘zqurilishmateriallari” aktsiyadorlik jamiyatining tashkiliy tuzilmasi va ijro etuvchi apparatining tuzilmalari tasdiqlandi.

Shuningdek, qarorga asosan “O‘zqurilishmateriallari” aktsiyadorlik jamiyati tarkibida ixtisoslashtirilgan “QurilishmaterialLITI” ilmiy-izlanish loyihaviy institutini tashkil etish belgilangan.

Mulkiy shakliga ko'ra aktsiyadorlik jamiyatlari, mas'uliyati cheklangan jamiyatlar, xususiy korxonalar, qo'shma korxonalar, sho''ba korxonalar qurilish ob'ektlarini barcha turdagi qurilish materiallari, xususan sement, ohak, gips, devor, tom, bezak, dekorativ materiallar (oyna, alkopon, marmar va granit plitalari va mahsulotlari), gidroizolyatsiya va issiqlik izolyatsiyasi materiallari – jami 100 dan ortiq turdagi asosiy qurilish mahsulotlari bilan ta'minlamoqdalar.

Скачать №ПП-2641
на русском
o'zbekcha

Belgilangan matnni tinglash uchun quyidagi tugmani bosing Powered by GSpeech