- Главная
- Matbuot markazi
- Uyushma yangiliklar
- Qoraqalpog‘istonlik tadbirkorlar taklif va mulohazalari muhokama etildi
Qoraqalpog‘istonlik tadbirkorlar taklif va mulohazalari muhokama etildi
12 Aug 2022
132
“O‘zsanoatqurilishmateriallari” uyushmasi va “O‘zsanoatqurilishbank” ATB hamkorligida Davlatimiz rahbarining tadbirkorlar bilan rejalashtirilgan ochiq muloqoti oldidan Qoraqalpog‘iston Respublikasida qurilish materiallari sohasida faoliyat olib borayotgan tadbirkorlar bilan uchrashuv tashkil etildi. Unda uyushma va bank rahbariyati, mutaxassislar, ishbilarmon doira vakillari ishtirok etishdi. Tadbir samimiy muloqot tarzida o‘tkazildi.
Dastlab mutasaddilar sohada amalga oshirilayotgan islohotlar, murojaat va takliflar, endilikda qilinishi lozim bo‘lgan ishlarni muhokama qilishdi. Shundan so‘ng hudud tadbirkorlari o‘zlarini qiynayotgan muammolar va takliflarini bildirishdi.
Uchrashuv davomida barcha tadbirkorlarning muammolari eshitildi va bir qator masalalar bo‘yicha ularga yordam ko‘rsatiladigan bo‘ldi. E’tiborlisi, faoliyatini yanada kengaytirish, eksport imkoniyatlarini oshirish niyatida bo‘lgan ishbilarmonlarga kreditlar ajratish, texnik va texnologik jihatdan yaqindan yordam berish bo‘yicha so‘z yuritildi.
