- Главная
- Matbuot markazi
- Uyushma yangiliklar
- Samarqand viloyatida yana bir yirik sanoat korxonasi barpo etilmoqda
23 Aug 2023
201
Samarqand viloyatida qurilish materiallari sanoatini rivojlantirish, yirik investitsiya loyihalarini amalga oshirish, yangi quvvatlarni yaratish bo‘yicha bir qator ishlar amalga oshirilmoqda. Natijada yangi sanoat korxonalari foydalanishga topshirilmoqda, eng muhimi yangi ish o‘rinlari yaratilyapti.
Samarqand tumanida faoliyatini boshlayotgan sendvich panel, penoplast va profnastil ishlab chiqarishga ixtisoslashgan “Master Praym Jiangsu metall” MCHJ QK shular jumlasidandir. Korxona Xitoyning Jiangsu metall Interneyshnl triding Ko Ltd kompaniyasi bilan hamkorlikda barpo etilgan. Umumiy 2 mln dollar bo‘lgan loyihaga 92,6 foiz to‘g‘ridan-to‘g‘ri investitsiya yo‘naltirilgan. Bu yerda yiliga 200 ming kv.metr (56,2 mlrd. so‘mlik) sendvich panel, penoplast va profnastil ishlab chiqariladi.
Eng muhimi loyiha amalga oshirilishi natijasida yiliga 1,5 mln. dollarlik mahsulotlarni eksport qilish rejalashtirilgan. Shu bilan birga 40 nafar samarqandlik yoshlar ish bilan ta’minlanadi.