Xitoy mahsulotlar ko‘rgazmasi tashkil etildi

24 Oct 2023

Bo'lishish

Facebook

Telegram

344

Bugun poytaxtimizda O‘zbekiston eksportchilar uyushmasi va CUS INTERNATIONAL INVESTING DEVELOPMENT MCHJ QK hamkorligida “O‘zbekiston-Xitoy brend mahsulotlari” ko‘rgazmasi bo‘lib o‘tdi. Unda “O‘zsanoatqurilishmateriallari” uyushmasi, O‘zbekiston Iqtisodiyot Assambleyasi vakillari, O‘zbekiston va Xitoylik ishbilarmon doira vakillari ishtirok etishdi.

Dastlab, mazkur ko‘rgazmani o‘tkazishdan maqsad, namoyish etilayotgan mahsulotlar, mahalliy va xitoylik tadbirkorlar faoliyati haqida ma’lumot berildi. Shuningdek, Xitoyning Xenan provinsiyasi vakillari so‘zga chiqib, ikki davlat o‘rtasidagi savdo-iqtisodiy, investitsiyaviy aloqalar haqida so‘z yuritdi. Shu bilan birga hamkorlikda yangi investitsiya loyihalarini amalga oshirish, eksport ko‘rsatkichlarini yanada oshirish ta’kidlandi.

Ko‘rgazmada Xitoy davlatida ishlab chiqarilgan oziq-ovqat, qishloq xo‘jaligi, elektro-texnika, to‘qimachilik va qurilish mahsulotlari namoyish etildi. So‘nggi rusumdagi quyosh panellari, isitish uskunalari, energiya tejamkor qurilish materiallari ko‘pchilikda katta qiziqish uyg‘otdi.

Ko‘rgazma 26 oktyabrgacha davom etadi.