- Главная
- Matbuot markazi
- Uyushma yangiliklar
- Yiliga 6,5 mln kub metr temir-beton mahsulotlari ishlab chiqariladi
Yiliga 6,5 mln kub metr temir-beton mahsulotlari ishlab chiqariladi
5 Jul 2023
593
Ma’lumotlarga ko‘ra, mamlakatimizda jami 700 dan ortiq temir-beton mahsulotlari ishlab chiqaruvchi korxonalar mavjud bo‘lib, ularning yillik quvvati 6,5 mln kub metrni tashkil etadi. Ushbu yo‘nalishdagi eng yiriklari Qoraqalpog‘iston Respublikasi, Toshkent, Navoiy, Samarqand, Jizzax, Sirdaryo viloyatlari va Toshkent shahrida joylashgan.
Mazkur yo‘nalishda Respublikada eng yirik ishlab chiqarish quvvatiga ega korxona bu “BINOKOR TEMIR-BETON SERVIS” MCHJdir. Bu yerda yiliga 411 ming 250 kub metr quyma, 107 ming 880 kub metr temir-beton mahsulotlari tayyorlanadi. Keyingi o‘rinda Toshkent viloyatidagi “MOBILE BETON SERVICE” MCHJ hisoblanadi. Korxona yiliga 365 ming kub metr quyma beton tayyorlash imkoniyatiga ega. Poytaxtimizdagi “DURABLE BETON” MCHJ ham ushbu yo‘nalishda eng ilg‘orlardan biri sanaladi. Mazkur korxona tomonidan har yili 250 ming kub metr quyma betonlar qurilish maydonlariga yetkazib beriladi. Shuningdek, hududda “SAFFIR QURILISH MONTAJ” MCHJ (yillik quvvati – 158,3 ming kub metr), “BETONOVAT” MCHJ (yillik quvvati – 12,6 ming kub metr), “RWS OPTIMUM” MCHJ XK (yillik quvvati – 101,2 ming kub metr), “CHILONZOR BETON SAVDO” MCHJ (yillik quvvati – 83,3 ming kub metr) kabi zamonaviy temir-beton korxonalari mavjud.
Qoraqalpog‘iston Respublikasida joylashgan “KKRASI BETON” XK ham ushbu yo‘nalishda eng ko‘zga ko‘ringan ishlab chiqarish maskanlaridan biri. Bu yerda yiliga 94,4 ming kub metr temir beton mahsulotlari tayyorlanadi.
