- Главная
- Matbuot markazi
- Uyushma yangiliklar
- 65 turdagi amaliy-uslubiy qo‘llanmalar vodiylik tadbirkorlarga taqdimot qilindi
65 turdagi amaliy-uslubiy qo‘llanmalar vodiylik tadbirkorlarga taqdimot qilindi
20 Oct 2021
487
Ayni kunlarda O‘zsanoatqurilishbank tomonidan respublikamizning barcha hududlarida qurilish materiallari ishlab chiqaruvchilar uchun mo‘ljallangan 65 turdagi amaliy-uslubiy qo‘llanmalar taqdimotlari o‘tkazilmoqda.
19-20 oktabr kunlari taqdimotlar Namangan, Farg‘ona hamda Andijon viloyati tadbirkorlari ishtirokida o‘tkazildi. O‘zsanoatqurilishbank, “O‘zsanoatqurilishmateriallari” uyushmasi, “O‘zsanoatqurilishmaterialLITI” markazi mas’ullari qo‘llanmalar mazmun-mundarijasi, shuningdek, sohaning ilmiy imkoniyatlarini oshirish bo‘yicha amalga oshirilayotgan ishlar haqida batafsil ma’lumot berdi, tadbirkorlar savollariga javob berildi.
Ta’kidlash kerakki, 65 turdagi amaliy-uslubiy qo‘llanmalarni nafaqat tadbirkorlar, balki istalgan yurtdoshimiz erkin olib foydalanishi imkoniyatlari ham yaratilgan. Buning uchun O‘zsanoatqurilishbank rasmiy saytidagi alohida bo‘limga tashrif buyurib, qo‘llanmalarning elektron nusxalarini bepul yuklab olish mumkin.
