- Главная
- Matbuot markazi
- Uyushma yangiliklar
- Afg‘onistonning Qobul shahrida qurilish materiallari “Savdo uyi” ochiladi
Afg‘onistonning Qobul shahrida qurilish materiallari “Savdo uyi” ochiladi
10 Oct 2024
363
Kuni kecha «O‘zsanoatqurilishmateriallari» uyushmasida Afg‘onistonning yirik qurilish materiallarini ishlab chiqaruvchi va savdo bilan shug‘ullanuvchi “Kabul Decor” kompaniyasi vakillari bilan uchrashuv bo‘lib o‘tdi. Unda uyushma boshqaruv raisi o‘rinbosari Ilyos Raximov ishtirok etdi.
Dastlab, qurilish materiallari sanoatining rivojlanish istiqbollari, yirik investitsiya loyihalari, tabiiy pardozbop toshlar qazib olish va ishlab chiqarish, xalqaro aloqalar sohadagi tadbirkorlar faoliyati haqida ma’lumot berildi.
Uchrashuv chog‘ida qurilish materiallari sanoati sohasida eksport, investitsiya va kooperatsiya yo‘nalishlarida hamkorlikni yo‘lga qo‘yish hamda uni rivojlantirib borish, transport-logistikasi kabi masalalar yuzasidan muzokaralar o‘tkazildi.
Shuningdek, Afg‘onistonga qurilish materiallari eksportini qo‘llab-quvvatlash maqsadida Afg‘onistonning Qobul shahrida qurilish materiallari “Savdo uyi” ni ochish bo‘yicha dastlabki kelishuvlar olib borildi va hamkorlik qilish yuzasidan o‘zaro anglashuv memorandumi imzolandi.
