- Главная
- Matbuot markazi
- Uyushma yangiliklar
- Bazalt toshidan innovatsion qurilish materiallariga yaponiyalik tadbirkorlar qiziqish bildirdi
Bazalt toshidan innovatsion qurilish materiallariga yaponiyalik tadbirkorlar qiziqish bildirdi
4 Sep 2024
118
“O‘zsanoatqurilishmateriallari” uyushmasida Yaponiyaning “Rotobo” assotsiatsiyasi vakillari bilan uchrashuv bo‘lib o‘tdi. Unda uyushma rahbariyati va mutaxassislar ishtirok etishdi.
Dastlab, uyushma boshqaruv raisining o‘rinbosari Ilyos Raximov O‘zbekiston qurilish materiallari sanoatining rivojlanish istiqbollari, yirik investitsiya loyihalari va tadbirkorlik faoliyati haqida ma’lumot berdi.
Shuningdek, eksport ko‘lami, ishlab chiqarish hajmi va qurilish materiallari turlari haqida taqdimot o‘tkazildi.
Tadbirda Yaponiyalik investorlar bilan o‘zaro hamkorlikni yanada rivojlantirish, transport-logistika, kadrlar tayyorlash, ikki davlatdagi tadbirkorlarga yaratilgan imkoniyatlar haqida fikrlashildi.
Uchrashuv davomida mexmonlar O‘zbekistondagi qurilish materiallari sanoatiga berilayotgan imkoniyatlarni yuqori baholar ekan, hamkorlikda ikki tomonlama manfaatlarga xizmat qiluvchi loyihalarni amalga oshirish bo‘yicha takliflarini bildirishdi. Shu bilan birga ikki davlat qurilish industriyasini o‘rganishda aloqalarni yanada mustahkamlashga kelishib olindi. Kun chiqar yurt vakillari bazalt toshi asosidagi innovatsion qurilish materiallariga judayam katta qiziqish bildirishdi.
Tadbir davomida qurilish materiallari sohasida o‘zaro hamkorlikni rivojlantirish, ikki davlat mahsulotlar ko‘rgazmasini tashkil etish, kadarlar malakasini oshirish kabi masalalarda ma’luot almashildi. Shu bilan birga hamkorlikda investitsiya loyihalarini amalga oshirish, eksport-import imkoniyatlari haqida ham muzokara o‘tkazishdi.
