- Главная
- Matbuot markazi
- Uyushma yangiliklar
- Iqtidorli talaba-yoshlar tanlovi
Iqtidorli talaba-yoshlar tanlovi
24 May 2023
187
Jizzax politexnika institutida “Yangi O‘zbekiston: Ilm qaldirg‘ochlari – 2023” II Respublika ko‘rik-tanlovi hamda talabalarning ilmiy-amaliy konferensiyasi o‘tkazildi.
Ushbu tadbirda qurulish-muhandislik va sanoat yo‘nalishidagi respublika oliy ta’lim muassasalaridan kelgan 200 nafardan ortiq talaba yoshlar yuqori faollik bilan ishtirok etdi.
Bugungi kunda mamlakatimizda qurilish va bunyodkorlik ishlari hamda qurilish materiallari ishlab chiqarish, ilm-fan yutuqlarini sohaga joriy qilish borasida keng ko‘lamli ishlar amalga oshirilmoqda.
O‘zbekiston Respublikasi Oliy ta’lim, fan va innovatsiyalar vazirligi, “O‘zsanoatqurilishmateriallari” uyushmasi, “Knauf Gips Buxara” XK MCHJ hamda mazkur oliygoh hamkorligida tashkil etilgan mazkur tadbirda asosiy e’tibor “Yangi O‘zbekiston: Ilm qaldirg‘ochlari-2023” II Respublika ko‘rik-tanlovi hamda yuqori saviyada o‘tgan talabalarning ilmiy-amaliy konferensiyasiga qaratildi.
Tanlov qatnashchilari mahalliy xom-ashyolar asosida tayyorlangan, sanoat chiqindilari asosida yaratilgan, mineral va kimyoviy qo‘shimchalardan foydalanib tayyorlangan yangi avlod betonlari, eng yaxshi qurilish materiallari va konstruksiyalari, shuningdek, jami o‘nga yaqin eng yaxshi konstruksiyaviy ishlanmalar, zamonaviy qurilish materiallari va konstruksiyalari asosidagi loyihalar, energosamarador binolar, yangi qurilish materiallari, buyumlarini yaratish va ishlab chiqaqrish texnologiyalari bilan ishtirok etdi.
Bulardan tashqari, “Qurilish konstruksiyalari” hamda “Energosamarador binolarni loyihalash” mavzusi bo‘yicha ilmiy yo‘nalishda bajarilgan “Eng yaxshi bitiruv malakaviy ishi (diplom loyihasi)” va magistrlik dissertatsiyasi kabi 8 ta yo‘nalish bo‘yicha kuch sinashdi. “Yangi O‘zbekiston: Ilm qaldirg‘ochlari – 2023” II Respublika ko‘rik-tanlovi qizg‘in bahs munozaralarga boy bo‘ldi.
Ko‘rik-tanlov yakunlariga ko‘ra, eng kuchlilar g‘oliblikni qo‘lga kiritib, tashkilotchi va homiylarning qimmatbaho va esdalik sovg‘alari bilan taqdirlandi.
