- Главная
- Matbuot markazi
- Uyushma yangiliklar
- “Kvars” AJda “Yashil makon” umummilliy loyihasi davom etmoqda
“Kvars” AJda “Yashil makon” umummilliy loyihasi davom etmoqda
22 Nov 2021
294
Joriy yilning 2 noyabr kuni davlatimiz rahbari Shavkat Mirziyoyev raisligida aholini uy-joy bilan ta’minlash hamda yashil maydonlarni kengaytirish chora-tadbirlari muhokamasi yuzasidan videoselektor yig‘ilishi o‘tkazildi.
Unda “Yashil makon” umummilliy loyihasini amalga oshirish chora-tadbirlari doirasida mamlakatimiz bo‘ylab yiliga 200 million tup daraxt va buta ko‘chatlarini ekish borasida vazifalar belgilandi. Aynan shu orqali shaharlardagi yashil hududlarni hozirgi 8 foizdan 30 foizga oshirish rejalashtirilganligi, ushbu keng ko‘lamli loyihaga barcha birdek hissa qo‘shishi lozimligi ta’kidlandi.
Mazkur topshiriqlar ijrosi doirasida “O‘zsanoatqurilishmateriallari” uyushmasi hamda tizim korxona va tashkilotlari tomonidan “Dolzarb 40 kunlik” doirasida amaliy ishlar izchil tashkil qilinmoqda. Xususan, joylarda maxsus ajratilgan hududlarda “yashil maydonlar” bunyod etilmoqda.
Kuni kecha ana shunday xayrli tadbirlardan biri –“Kvars” AJ da ham tashkil etildi. Korxona hududi bo‘ylab umumiy hisobda 500 ga yaqin manzarali va mevali daraxt ko‘chatlari o‘tqazilishi ko‘zda tutilgan bo‘lib, o‘tkazilgan tadbir davomida 200 tadan ortiq ko‘chatlar o‘tqazildi. “Dolzarb 40 kunlik” loyihasi doirasida har bir xodim obodonlashtirish va ko‘kalamzorlashtirish ishlariga bahamjihat, jamoaviy birlikda, ko‘tarinki kayfiyatda yondoshmoqda.
Ta’kidlash joizki, Daraxtlar havodagi zararli karbonat angidridni yutib, o‘rniga kislorod ishlab chiqaradi va bizning nafas olishimizga yordam beradi. Ular issiqda salqinlik beradi, atrof-muhitni shovqinlardan himoya qiladi.
