- Главная
- Matbuot markazi
- Uyushma yangiliklar
- “Ready 4 Trade Central Asia” o‘quv-trening tinglovchilariga maxsus sertifikatlar topshirildi
“Ready 4 Trade Central Asia” o‘quv-trening tinglovchilariga maxsus sertifikatlar topshirildi
26 Mar 2024
161
25-26-mart kunlari “O‘zsanoatqurilishmateriallari” uyushmasida «Uz Export» akademiyasi bilan hamkorlikda “Ready 4 Trade Central Asia” o‘quv-trening bo‘lib o‘tdi. Bugun tinglovchilarga maxsus sertifikatlar topshirish marosimi bo‘lib o‘tdi. Unda “O‘zsanoatqurilishmateriallari” uyushmasi boshqaruv raisi o‘rinbosari Ilyos Raximov ishtirok etdi va barcha ishtirokchilarga kelgusi ishlarida omad tiladi.
Treningda tarmoq korxonalarining mas’ul xodimlari Yevropa bozorlariga chiqish talablari, transchegaraviy elektron tijoratning afzalliklari, tadbirkorlik subyektlarining savdo standartlariga rioya qilish qobiliyatini kuchaytirish va boshqa dolzarb mavzularda o‘z bilim va ko‘nikmalarini oshirishdi.
“Ready4Trade Central Asia” loyihasi Markaziy Osiyoning beshta davlatida xalqaro savdoni rivojlantirishni qo‘llab-quvvatlashga qaratilgan. Bunga transchegaraviy talablarning shaffofligini oshirish, tartibga solish va protsessual to‘siqlarni bartaraf etish, tadbirkorlik subyektlarining savdo standartlariga rioya qilish qobiliyatini kuchaytirish, transchegaraviy elektron tijoratni takomillashtirish orqali erishiladi. Loyiha Yevropa Ittifoqi tomonidan moliyalashtiriladi.
Trening sessiyalarga bo‘lingan holda olib borildi. E’tiborlisi, Toshkent davlat iqtisodiyot universiteti professor-o‘qituvchilari, milliy VLS o‘quv platformasidan foydalangan holda taqdimotlar o‘tkazishdi.
Trening davomida tadbirkorlarga “Xalqaro savdo qoidalari”, “Yevropa Ittifoq bozori talablari”, “Eksport jarayoni”, “Sifat va muvofiqlik standartlari” mavzularida ma’lumotlar va mar’zular taqdim etildi.
Tadbir yakunida Tadbirkorlar uchun muhim treninglarni kelgusida barcha viloyatlarda ham o‘tkazishga kelishib olindi.
