- Главная
- Matbuot markazi
- Uyushma yangiliklar
- “Rigaku Corporation” kompaniyasi vakillari uyushmada
“Rigaku Corporation” kompaniyasi vakillari uyushmada
28 Feb 2024
277
“O‘zsanoatqurilishmateriallari” uyushmasida 25-xalqaro qurilish “UzBuild-2024” ko‘rgazmasi doirasida tadbirkorlar uchun “Sement ishlab chiqarishda spektral va difraksion usulida tahlil” mavzusida seminar bo‘lib o‘tdi. Unda Yaponiyaning “Rigaku Corporation” kompaniyasi mutaxassisi Karmen Kayzer Bryugmann, uyushma mas’ullari, Oliy ta’lim muassasalarining professor-o‘qituvchilari, ilmiy izlanuvchilar va sement ishlab chiqaruvchilar ishtirok etishdi.
Dastlab, uyushma boshqaruv raisi maslahatchisi Baxodir Ismailov so‘zga chiqib, sohada ilm-fan integratsiyasi, ishlab chiqarishda yangi usullaridan foydalanish, hamkorlik istiqbollari haqida ma’lumot berdi.
Shundan so‘ng, Toshkent arxitektura va qurilish Universiteti va E-Globaledge korporatsiyasi taqdimotlari o‘tkazildi.
Karmen Kayzer Bryugmann RESE amaliy laboratoriyasi, sement ishlab chiqarishda namuna olish va tahlil, sifat bo‘yicha ma’ruza qildi. Shu bilan birga sement sifatini oshirish va kimyoviy yangi metodlar haqida ham ma’lumot berib o‘tdi.
Tadbir davomida sement ishlab chiqarishda Rentgenofaza materil tahlili mavzusidagi taqdimot ham barchada katta taassurot qoldirdi.
Shu kuni tadbirkorlar sifat va laboratoriya tahlillari bo‘yicha o‘zlarini qiziqtirgan savollarini xalqaro mutaxassislardan javob olishdi.
