- Главная
- Matbuot markazi
- Uyushma yangiliklar
- Sement ishlab chiqarishda Germaniya tajribasi qo‘llanadi
Sement ishlab chiqarishda Germaniya tajribasi qo‘llanadi
7 Mar 2024
202
“O‘zsanoatqurilishmateriallari” uyushmasida Germaniyaning “ZAB Zementanlagenbau GMBH Dessau” kompaniyasi bosh direktori Volfgang Payonke boshchiligidagi delegatsiya bilan uchrashuv bo‘lib o‘tdi. Unda sement ishlab chiqarish, uning texnik va texnologik jihatlari haqida so‘z bordi.
Dastlab, uyushma boshqaruv raisining o‘rinbosari Baxtiyor Bobokulov O‘zbekiston qurilish materiallari sanoatining rivojlanish istiqbollari, investitsion muhit, eksport ko‘lami, sement ishlab chiqaruvchi sanoat korxonalari va uyushma faoliyati haqida ma’lumot berdi.
Uchrashuvda tomonlar klinker ishlab chiqarish uchun muqobil yoqilg‘i turlarini joriy etish va ulardan foydalanish imkoniyatlarini muhokama qilishdi. Shu bilan birga ekologik talablar va ushbu muammoning dolzarbligi hamda O‘zbekistondagi sement zavodlari uchun yashil va tejamkor yechimlar bo‘yicha ham muzokara o‘tkazildi.
Issiqlik va energiya sarfini kamaytirish maqsadida mavjud sement zavodlarini modernizatsiya qilish, kichik pech liniyalarini ohak ishlab chiqarishga o‘tkazish zarurligi ta’kidlandi. Kalsinlangan loydan sementni maydalashda qo‘shimcha sifatida foydalanish, uni sinovdan o‘tkazish va o‘rganish kerakligi haqida ham fikr bildirildi.
Tadbir davomida “KHD Humboldt Wedag” kompaniyasi taqdimoti ham bo‘lib o‘tdi. Kompaniyaning texnik xususiyatlari va talablariga muvofiq hamda xorijiy mutaxassislar nazorati ostida asbob-uskunalar va ehtiyot qismlar ishlab chiqarishni mahalliylashtirish bo‘yicha takliflar berildi. Shuningdek, mahalliy ishlab chiqaruvchilar bilan tajriba-bilim almashishga tayyor ekanligi ta’kidlandi. Hozirda kompaniya tomonidan Rossiya zavodlarida 40 ming tonnaga yaqin uskunalar ishlab chiqarilgan.
Tomonlar 2024-yil aprel oyi boshida O‘zbekistonning butun sement sanoati uchun texnik seminar o‘tkazishga kelishib oldilar.
