«Ohangarontsement» AJ Sizning korxonangizni ob'ektlar bo'yicha pudratchilarni tanlov asosida tanlab olishda ishtirok etishga taklif etadi

«Ohangarontsement» AJ Sizning korxonangizni ob'ektlar bo'yicha pudratchilarni tanlov asosida tanlab olishda ishtirok etishga taklif etadi:

1. “Ohangarontsement” AJ Qurilish materiallari va konstruktsiyalari kombinatining oshxonasini ta'mirlash;

2. “Ohangarontsement” AJ Temir yo'l deposi binosini ta'mirlash;

3. “Ohangarontsement” AJ “Xom-ashyo tortish” bo'limi tuproq qorish binosini ta'mirlash.

Tijorat taklifingizda quyidagi ma'lumotlarni ko'rsatishingizni so'raymiz:

1. Taklif narxi (hisob-kitoblar bilan);

2. Zarur hajmdagi bo'sh aylanma mablag'larning mavjudligi (balans nusxasi);

3. Ob'ekt nomi va buyurtmachi, bajarilgan ish hajmi, ob'ektning joylashgan joyini ko'rsatgan holda tanlov predmetiga javob beradigan oxirgi yildagi ish tajribasi;

4. Qarzdorlik mavjudligi (mavjud emasligi) (bankdan ma'lumotnoma);

5. O'z xom-ashyo bazangiz mavjudligi, uning batafsil tasnifi va ro'yxati. Moddiy-texnika bazasi ijaraga olingan holda ijara shartnomasining nusxasi taqdim etilishi lozim;

6. Litsenziyaning mavjudligi (zarur holda uning nusxasi taqdim etiladi);

7. Yordamchi pudratchilarning mavjudligi. Ularning nomlari va joylashgan joylarini, shuningdek bajaradigan ishlarini ko'rsatib o'tish kerak;

8. Bog'lanish uchun mas'ul shaxs ma'lumotlari va telefon raqamini ko'rsatgan holda bajarilgan ishlar bo'yicha avvalgi buyurtmachilarning fikr-mulohazalari;

9. Ishni bajarishning taxminiy muddatlari va taklif bo'yicha bajariladigan ishlarga kafolat muddati;

10. Nusxalar (direktor pasporti, Ustav, guvohnoma nusxalari).

Tijorat taklifini “Ohangarontsement” AJ Kapital qurilish bo'limiga 2016 yil 29 fevralgacha taqdim etishingiz lozim. Belgilangan muddatdan keyin kelgan takliflar ko'rib chiqilmaydi.