«Бекободцемент» AЖнинг ишлаб чиқариш жараёни билан танишиш

“Ўзқурилишматериллари” AЖ томонидан 2017 йил 14 июлда тасдиқланган жадвалига асосан жамият таркибига кирувчи корхоналар фаолияти билан танишиш мақсадида 2017 йил июл ойда “Бекободцемент” AЖга корхонанинг ишлаб чиқариш жараёни билан танишиш ва амалий ёрдам бериш мақсадида жамиятнинг бир гурух рахбарлари ва мутахассислари томонидан ташриф ташкил этилди.

Ташриф давомида “Ўзқурилишматериаллари” AЖ мутахассислари томонидан жамият рахбарияти ва мутахассислари билан учрашув ташкил этилди. Бу учрашувда жамиятнинг 1чи ярим йиллигида амалга оширилган ишлар ва 2017 йил 3 чорагида ишлаб чиқариш режаларини, қора ва рангли металл парчаларини топшириш , жамиятда мехнат мухофазаси ва техника хавфсизлиги бўйича олиб борилаёткан ишлар билан танишилди.

Шу билан бир қаторда корхонада энерготежамкорлик бўйича бажарилаёткан чора-тадбирлар билан танишиб чиқилди. Ўрганиш давомида “Бекободцемент” AЖ ишлаб чиқариш жараёнини диверсификация қилиш, янги экспортбоп махсулот турларини кўпайтириш, жумладан қуруқ қоришмалар, тротуар плиталар, бордюр, зина поя ва бошқа турдаги махсулотларни ишлаб чиқаришини ташкил этиш масалалари кўриб чиқилди. Шу билан бир қаторда корхонада янги замонавий энерготежамкор “қуруқ” усулида цемент ишлаб чиқариш жараёни билан танишилди.