«Ўзбекистонда ишлаб чиқарилган»

Тошкентдаги “Ўзекспомарказ”да “Маде ин Узбекистан” номи остида мамлакатимиз ишлаб чиқарувчиларининг кўргазма-ярмаркаси бўлиб ўтди.

Жорий йилнинг 7-9 ноябр кунлари марказнинг 4 павилонида бўлиб ўтган кўргазмада енгил саноат, кимё, чарм-поябзал, электротехника, автомобилсозлик, халқ истеъмоли молларининг кенг ассортименти намойиш этилди.

Тадбирда “Ўзқурилишматериаллари” AЖ таркибидаги 130 га яқин корхоналар 100 турдан ошиқ маҳсулотларини тақдим этди. Улар орасида норуда маҳсулотлар, махсус қурилиш ашёлари, том ёпиш материаллари, черепитса, шифер, цемент наъмуналарини кўриш мумкин.

“Ўзқурилишматериаллари” акциядорлик жамияти корхоналари томонидан анъанавий кўргазма-ярмаркага қизғин тайёргарлик кўрилиб, янги турдаги неолит –мармар ишланмалари, шиша толасидан тайёрланган безакли арматуралар, пардозбоп тошлар, сендвич ва керамика плиталари тақдим этилди.

Ушбу маҳсулотларга нафақат юртимиз тадбиркорлари балки хориждан ташриф буюрган саноат вакилларининг қизиқиши юқори баўлди.