Ўзбекистон Республикаси Конституцияси қабул қилинганлигининг йигирма беш йиллик байрами билан самимий муборакбод этамиз

Таъкидлаш жоизки, Бош қомусимизда белгиланган адолатли жамият, халқпарвар давлат барпо этиш ғоялари, инсон – энг олий қадрият, халқ давлат ҳокимиятининг бирдан бир манбаи эканлиги ҳақидаги тамойиллар Сизнинг раҳбарлигингизда мамлакатимизда ҳаётга изчил тадбиқ этилмоқда.

Бунинг амалий самаралари бугун халқимизнинг кундалик турмушида, юртимиз эришаётган ва жаҳон жамоатчилиги томонидан эътироф этилаётган ютуқларда намоён бўлмоқда.

Бугун қурилиш материаллари ишлаб чиқариш саноати тармоғида фаолият юритаётган кўп минг сонли ходимлар ҳам юртимизда шиддат билан кечаётган жараёнларда фаол иштирок этишни, инновацион ишланмаларни ҳаётга кенг жорий этган ҳолда улкан бунёдкорлик ишларига муносиб ҳисса қўшишни ўзларининг шарафли бурчи, деб биладилар.

Юртимизда улуғ байрам шукуҳи кезиб юрган шу кунларда барчага мустаҳкам соғлиқ, узоқ умр, Ватанимизга боқий тинчлик, файзу барака ва фаровонлик тилаймиз.