Янги ишлаб чиқариш майдончаси – янги имкониятлар ва иш ўринлари!

Машҳур “Иқтисодиёт тежамкор бўлиши керак – бу давр талаби” сўзлари узоқ ўтган асрнинг 80-йилларида айтилган эди.

Бироқ, сарф қилинган маблағларга нисбатан олинадиган даромаднинг энг юқори кўрсаткичларига эришишни ўз олдига мақсад қилиб қўйган корхона учун бу сўзлар ҳалигача ўзининг энг долзарб аҳамиятини йўқотганича йўқ. Ишлаб чиқаришни кенг миқёсга олиб чиққанда, маблағларнинг ҳаттоки энг кичик тежалишига эришганда, бу йил ҳисобида сарф-ҳаражатларнинг сезиларли даражада камайишига келтиради, бунда тежалган маблағлар бошқа фаолият соҳаларига йўналтириш имкони туғилади.Иккиламчи хом ашёни қайта ишлаш – бу маблағлар тежашнинг мухим йўналишларидан бири ҳисобланади.

Aйни пайтда, «КВAРС» AЖ калсийланган сода, натрий нитрати ва натрий сулфати каби хом ашёларни қабул қилиб олади, буларнинг нархида хом ашё қадоқлаш учун полипропилен қопларнинг қиймати ҳам мавжуд бўлади. 2018 йилда етказиб берилаётган хом ашё учун сарф-харажатларни камайтириш бўйича таҳлил ўтказилган бўлиб, бунинг натижасида корхона худудида ўз цехимизни барпо қилиш, ҳамда полипропилен қоп ишлаб чиқариш ускуналарини сотиб олиш бўйича тўхтамга келинди, негаки бунинг натижасида хом ашёнинг тахминан 15.2% қийматини тежаш имкони туғилади.

Шу билан бир вақтда, “2018 йил учун аҳолини иш билан таъминлашга кўмаклашиш давлат дастурини амалга ошириш бўйича чора-тадбирлар тўғрисида” Ўзбекистон Республикаси Президентининг Фармонига амал қилиб, янги цех очиш бўйича «КВAРС» AЖ бошқаруви томонидан қабул қилинган ушбу қарори 20та қўшимча иш ўринларини барпо этиш имконини яратиб берди.

Қоп матосини ишлаб чиқариш учун хомашё сифатида полипропилен гранулалар, ва иккиламчи хомашёнинг ўзи, масалан, эски қоплар ишлатилиши мумкин. Ушбу матодан фойдаланиб, Хитойда ишлаб чиқарилган С-ЙЗЖ-4/750/4 Шуттле Cирcулар Лоом маркали думалоқ тўқув дастгоҳларида қоплар тикилади, бунда ишлаб чиқариш қуввати 65-100 м/с ни ташкил қилади, ишлаб чиқарилаётган қоплар ГОСТ 30090-93га мос бўлади. «КВAРС» AЖ иқтисод бўлими ҳисоб-китобларига мувофиқ, хом ашёни корхонамизда ишлаб чиқарилган полипропилен қопларда сотиб олиш эвазига кутилаётган маблағлар тежами йилига тахминан 200 057 283 сўмни ташкил этади.