Ўзбекистон-Хитой: Қамишдан ДСП ишлаб чиқарилади

Бугун “Ўзсаноатқурилишматериаллари” уюшмаси кўмагида қамишдан ДСП ишлаб чиқариш лойиҳаси бўйича Хитойнинг “Панжин Жижиа” Cо ЛТД компанияси ва “Тошкент Пласт Полимер” МЧЖ ўртасида инвестиция келишуви имзоланди.

Тошкент ПластПолимер & КНР

Ундан йирик лойиҳани амалга ошириш учун қулайлик ва имкониятлар яратиш, ҳамкорликда янги турдаги қурилиш материалини ишлаб чиқариш ва бир қанча ташкилий масалалар ўрин олган.

Қамишдан ДСП ишлаб чиқариш лойиҳасининг умумий қиймати 45 млн. AҚШ доллари бўлиб, эътиборлиси тўғридан-тўғри хорижий инвестиция жалб қилинади. Шартномага кўра, мазкур лойиҳа Қорақалпоғистон Республикасида амалга оширилади. Бунинг учун Мўйноқ тумани “Тикузик” ҳудудида 50 гектар ер ажратиш кўзда тутилган. Янги барпо этилиши кутилаётган завод йилига қамишдан 200 000 метр куб экологик тоза, инсон саломатлигига хавфсиз, сифатли ДСП ишлаб чиқаради. Шунингдек, лойиҳада мазкур қамишдан тайёрланган маҳсулотдан замонавий мебеллар тайёрлаш ҳам режалаштирилган. Бунинг учун завод сўнгги русумдаги техника ва технологиялар билан жиҳозланади. Эътиборлиси, корхона ишга туширилгач бу ерда юзлаб янги иш ўринлари яратилади.