Янги лойиҳалар, янги изланишлар сари

“Ўзсаноатқурилишматериаллари” уюшмаси масъуллигида вилоятлар ҳокимлиги билан ҳамкорликда ҳудудларнинг инфратузилмаси, табиий бойликлари, қурилиш материаллари ишлаб чиқаришга яратилаётган имконият ва қулайликлар инобатга олиниб кўплаб йирик инвестисион лойиҳалар ишга туширилмоқда. Хусусан, Навоий вилоятининг ўзида 2019-2022 йилларда жами 6 трл. 036 млрд. 115 млн. сўмлик 59 та инвестисия лойиҳалари ишга туширилиши режалаштирилган.

Энг йирик лойиҳалардан бири бу Кармана туманида мармар тош бўлакларидан композит қоплама материаллари ишлаб чиқаришга ихтисослашган “Газган Марбле Груп” МЧЖни ташкил этилишидир. Лойиҳанинг умумий қиймати 300 млрд. 636 млн сўмни ташкил этади. Корхона фойдаланишга топширилгач йилига 80 минг метр куб маҳсулот ишлаб чиқарилади.

Aйтиш керак, янги корхона ташкил этилишига 15 млн. AҚШ доллари миқдоридаги тўғридан-тўғри чет эл инвестисияси жалб этилган. Эътиборга молик жиҳат бу ерда 300 та янги иш ўринлари яратилади.

Ҳозирда бу ерда завод биносининг тупроқ ишлари якунланиб, бетон қуйиш жараёнлари давом этмоқда. Режага кўра, “Газган Марбле Груп” МЧЖ 2020 йилнинг ИИИ-чорагидан ўз фаолиятини бошлайди.