«Ўзсаноатқурилишматериаллари» уюшмасига пресс-тур ташкил этилди

Бугун «Ўзсаноатқурилишматериаллари» уюшмасининг кўргазмалар залида ОАВ вакиллари, журналистлар ва блоггерлар учун “Ўзбекистонда ишлаб чиқарилаётган қурилиш материаллари билан танишинг” мавзусида пресс-тур ташкил этилди.

Унда мамлакатимизда ишлаб чиқарилаётган янги турдаги, энергия тежамкор, инновасион қурилиш материаллари ва уларни ишлаб чиқарувчи корхоналар ҳақида тегишли мутахассислар томонидан тўлиқ маълумот берилди.

Дастлаб, «Ўзсаноатқурилишматериаллари» уюшмаси бошқарув раиси ўринбосари Улуғбек Абраев йиғилганларга уюшма томонидан 2019 йилда амалга оширилган ишлар ҳамда режалар ҳақида ахборот берди. Шундан сўнг пресс-тур иштирокчилари кўргазмадан ўрин олган маҳаллий қурилиш материаллари билан яқиндан танишишди. Шунингдек, мамлакатимиздаги йирик ишлаб чиқарувчилар, тадбиркорлар билан учрашув ҳам ташкил этилди.

Пресс-тур давомида журналистлар соҳа бўйича ўзларини қизиқтирган саволларига тўлиқ жавоб олишди.