Керамик плитка ишлаб чиқариш ривожлантирилади

«Ўзсаноатқурилишматериаллари» уюшмаси томонидан импорт ўрнини босувчи, экспортга мўлжалланган, талаб юқори бўлган қурилиш материалларини ишлаб чиқаришга алоҳида эътибор қаратилган. Вилоят ҳокимлиги ва тижорат банклари билан ҳамкорликда асосий қурилиш материаллари ишлаб чиқариш ҳажмини кенгайтириш, ушбу йўналишда инвестиция лойиҳалари амалга ошириш бўйича бир қатор чора-тадбирлар амалга оширилмоқда. Шу билан бирга мавжуд корхоналарда ишлаб чиқариш қувватларини ошириш, экспорт учун янги жаҳон бозорларини ўрганиш бўйича ҳам тизимли ишлар йўлга қўйилган.

Айниқса, керамик плитка ишлаб чиқариш йўналиши борасида сезиларли натижага эришиляпти. Боиси, ушбу маҳсулотларга нафақат маҳаллий балки, жаҳон бозорида талаб ўсиб бормоқда. Шу боис корхоналар томонидан янги технологиялар ўрнатилиб, ишлаб чиқариш ҳажми кенгайтириляпти. Январь-сентябрь ойларида уюшмага аъзо корхоналар томонидан 6 млн 77 минг метр квадрат керамик плиткалар ишлаб чиқарилди.

Таҳлилларга кўра, январь-сентябрь ойида энг кўп маҳсулот Фарғона вилоятида жойлашган йиллик қуввати 4,3 млн метр квадрат бўлган “МОДEРНА СEРАМИС ИНДУСТРИEС ФEРГҲАНА” МЧЖ ҲК томонидан тайёрланган. Самарқанд вилоятида фаолият олиб бораётган экспортёр корхоналардан бири “Приме серамисс” МЧЖда шу кунгчача 1,67 млн метр квадрат керамик плиткалар ишлаб чиқарилган. Шунингдек, “Греат валл серамис индустриес” МЧЖ (1,06 млн метр квадрат), «Ориент-серамис» МЧЖ (859 минг метр квадрат), “Премиум элегант серамисс” МЧЖ (256 минг метр квадрат), “Люх Гранит” МЧЖ (556 минг метр квадрат) каби корхоналар томонидан маҳаллий керамик плиткалар харидорларга етказилган. Эътиборлиси, ўтган даврда корхоналар томонидан 8 млн долларлик керамик плиткалар экспорт қилинган. Бу борада “Приме серамисс” МЧЖ, «Ориент-серамис» МЧЖ ва “Модерна серамис индустриес Фергана” МЧЖ ларида экспорт кўрсаткичлари юқори ҳисобланади.

2019 йилнинг ИВ-чорагида Ангрен шаҳрида “Люх Гранит” МЧЖ томонидан керама гранит ишлаб чиқариш йўлга қўйилган эди. Йиллик қуввати 2,8 млн метр квадрат бўлган корхона томонидан тайёрланган маҳсулотнинг қарийб 60 фоизга яқини экспорт қилиниши режалаштирилган.