- Главная
- Matbuot markazi
- Uyushma yangiliklar
- O‘tgan haftada birja savdolarida 216 666 tonna sement sotildi
O‘tgan haftada birja savdolarida 216 666 tonna sement sotildi
12 Aug 2021
321
O‘tgan hafta davomida, ya’ni 02 – 08 avgust kunlari "O‘zbekiston respublika tovar-xom ashyo birjasi" AJning barcha savdo platformalarida 1 620,9 mlrd so‘mlik tovarlar sotilgan bo‘lib, bu avvalgi haftaga nisbatan 1,4% ga kamdir. Bunda sotuvlarning 87,8% - birja savdolari; 1,2% - ko‘rgazma-yarmarka savdolari; 10,5% - elektron davlat xaridlari va 0,5% - avtoraqamlarning onlayn-auksioniga to‘g‘ri keldi.
Kichik biznes va xususiy tadbirkorlik sub’ektlari ishtirokida tuzilgan bitimlarning umumiy hajmi 559,3 mlrd so‘mni tashkil qildi. Davlat xaridlari tizimlarida o‘tkazilgan elektron savdolar natijasida budjet va korporativ buyurtmachilarining qariyb 28,7 mlrd so‘mlik mablag‘lari tejaldi.
O‘tgan hafta mobaynida birja savdolariga 347 814,0 tonna sement qo‘yildi va ulardan 216 666,0 tonnasi, ya’ni 62,3% sotildi. O‘rtacha kunlik sotuv hajmlari 43,3 ming tonnani tashkil qildi.
Ko‘rib chiqilayotgan davrda sementning barcha markalari bo‘yicha shakllangan kunlik o‘rtacha narxlar mahsulotning bir tonnasi uchun 507,1 ming so‘mdan 500,9 ming so‘mgacha, ya’ni 1,2% ga pasaydi.
