O‘zbekiston qurilish materiallari AQSH bozorida!

29 Aug 2025

Bo'lishish

Facebook

Telegram

306

27-avgust kuni AQSHning Kaliforniya shtati, Los-Anjeles shahridagi “Los Angeles Convention Center”da yirik xalqaro “Los Angeles Build Expo” ko‘rgazmasi o‘z faoliyatini boshladi.

Bu yilgi ko‘rgazma O‘zbekiston uchun tarixiy voqea: mamlakatimiz tadbirkorlari birinchi marta “Made in Uzbekistan” brendi ostida 25 dan ortiq turdagi zamonaviy qurilish materiallari bilan ishtirok etmoqda.

AKFA Extrusions, Alcopon Standart Trade, Basalt Uzbekistan va boshqa yirik kompaniyalar o‘zining innovatsion mahsulotlarini namoyish etmoqda.

Tadbir doirasida:

• Xalqaro hamkorlar bilan B2B uchrashuvlar;

• Yangi eksport shartnomalari;

• Yirik investitsiya loyihalari bo‘yicha muzokaralar o‘tkazilishi rejalashtirilgan.

Joriy yil yanvar-iyul oylarida AQSHga 7,1 mln. dollarlik qurilish materiallari eksport qilindi. Bu o‘tgan yilning shu davriga nisbatan 1,7 barobar ko‘p!

“Build Expo USA” — Amerikadagi eng yirik mintaqaviy qurilish ko‘rgazmasi bo‘lib, 30-yildan beri 40 dan ortiq shaharda tashkil etib kelinmoqda. “Tradefest” xalqaro reytingida esa u dunyodagi 17-raqamli qurilish ko‘rgazmasi sifatida e’tirof etilgan.

O‘zbekiston qurilish materiallari endi nafaqat mahalliy, balki xalqaro miqyosda ham yuqori talabga ega. Bu ishtirok mamlakatimiz ishlab chiqaruvchilari uchun AQSH bozoriga keng yo‘l ochadi va yangi imkoniyatlar eshigini ochadi.

Made in Uzbekistan – sifat va ishonch timsoli!

Build with Uzbekistan – Build the Future