- Главная
- Matbuot markazi
- Uyushma yangiliklar
- Ozarbayjon davlatiga qurilish materiallari eksporti oshiriladi
Ozarbayjon davlatiga qurilish materiallari eksporti oshiriladi
22 Feb 2024
231
“O‘zsanoatqurilishmateriallari” uyushmasida Ozarbayjon davlatining “Green Stream international” kompaniyasi ta’sischisi va rahbari Ramin Sharifof boshchiligidagi delegatsiya vakillari bilan uchrashuv bo‘lib o‘tdi. Unda Uyushma rahbariyati va ikki davlat ishbalarmon doira vakillari ishtirok etishdi.
Dastlab, uyushma boshqaruv raisining o‘rinbosari Baxtiyor Bobokulov O‘zbekiston qurilish materiallari sanoatining rivojlanish istiqbollari, yirik investitsiya loyihalari va tadbirkorlar faoliyati haqida ma’lumot berdi.
Shuningdek, o‘zaro hamkorlikni yanada rivojlantirish, transport-logistika, ikki davlatdagi tadbirkorlarga yaratilgan imkoniyatlar haqida so‘z yuritildi.
Uchrashuv davomida Ozarbayjonda qurilish materiallari sanoatida xorijiy investorlar uchun yaratilgan imkoniyatlar haqida so‘z yuritildi. Xom-ashyo, bino va yer ajratish, tashqi kommunikatsiyalar bo‘yicha taqdimot o‘tkazildi va bir qator mahalliy tadbirkorlarga hamkorlikda faoliyatni yo‘lga qo‘yish haqida rejalar taqdim etildi. Jumladan, O‘zbekistondagi avtoklav usulda gazobeton ishlab chiqaruvchi “Arton” kompaniyasiga Ozarbayjonda investitsiya loyihasini davom ettirish bo‘yicha biznes takliflar bildirildi. Shuningdek, keramik plitka, bazalt toshidan qurilish materiallari savdosini amalga oshirish, boshqa yangi turdagi mahsulotlar eksporti bo‘yicha ham fikr bildirildi.
Tadbir doirasida B2B uchrashuvlari ham tashkil etildi.
Shu kuni har ikkala davlat ishbilarmon doira vakillari o‘zlarini qiziqtirgan savollariga mutasaddilardan to‘liq javob olishdi. Shu bilan birga uyushma bilan aloqalarni yanada mustahkamlash borasida kelishib olishdi.
Ma'lumot uchun, O‘zbekiston va Ozarbayjon o‘rtasida qurilish materiallari eksportini yanada oshirish, ikki davlat ishbilarmon doira vakillari o‘rtasida savdo aloqalarini rivojlantirish maqsadida 2023-yil dekabr oyida “O‘zsanoatqurilishmateriallari” uyushmasi tomonidan “Green Stream international” kompaniyasi bilan imzolangan memorandumga ko‘ra Ozarbayjonning Boku shahrida “Made in Uzbekistan” savdo uyi tashkil etilgan edi.
