- Главная
- Matbuot markazi
- Uyushma yangiliklar
- Qurilish sohasidagi tadbirkorlar uchun seminar tashkil etildi
Qurilish sohasidagi tadbirkorlar uchun seminar tashkil etildi
15 Jan 2026
177
Qurilish va uy-joy kommunal xo‘jaligi vazirligida vazirlik mutasaddilari, Texnik me’yorlash va standartlashtirish ilmiy-tadqiqot instituti, Savdo-sanoat palatasi, "O‘zsanoatqurilishmateriallari" uyushmasi va O'zbekiston Quruvchilar assotsiatsiyasi hamkorligida qurilish materiallari ishlab chiqaruvchilari va yetkazib beruvchilar ishtirokida seminar-yig‘ilish bo‘lib o‘tdi.
Tadbirda qurilish materiallari, uskuna va jihozlarni realizatsiya qilish jarayonida hisob varaq-fakturalarni rasmiylashtirishda mahsulot va xizmatlarning identifikatsion kodlari (MXIK)dan foydalanishning amaldagi tartibi hamda kutilayotgan o‘zgarishlar muhokama qilindi. Xususan, Soliq qo‘mitasining “Yangi texnologiyalar” ilmiy-axborot markazi tomonidan yuritilayotgan mahsulotlar (tovar va xizmatlar) yagona elektron Milliy katalogida mavjud bo‘lgan qurilish materiallariga oid 1 080 ta umumiy nomdagi kodlarga cheklovlar joriy etilishi rejalashtirilayotgani ta’kidlandi.
Shu munosabat bilan tadbirkorlik subyektlari uchun batafsil (detallashgan) MXIK kodlarga o‘tish mexanizmlari, ularni amaliyotda qo‘llash tartibi hamda yuzaga kelishi mumkin bo‘lgan masalalar bo‘yicha atroflicha tushuntirishlar berildi. Seminar savol-javoblarga boy, ishchan va konstruktiv ruhda o‘tdi.
Tadbir yakunida tadbirkorlik subyektlari bilan hamkorlikni yanada mustahkamlash, ularga amaliy ko‘mak ko‘rsatish hamda o‘zaro hamkorlikni tizimli yo‘lga qo‘yish maqsadida mas’ul tashkilotlar vakillari o‘rtasida tegishli ishchi aloqalar o‘rnatildi.
